من نحن Printday7
احنا براند عراقي متخصص باللوحات الجدارية، ومبيعاتنا تعتمد بشكل اساسي على اعلانات الفيديو بانستغرام وفيسبوك. نشتغل ويا صناع محتوى يصورون لوحاتنا، واحنا نحول هذا التصوير لفديوات ريلز واعلانات ناجحة.
بهذا الدور، إنت اول شي يشوفه زبوننا.
كل زبون يتعرف علينا من خلال اعلان فيديو، وقبل ما يشوف لوحاتنا بالحقيقة، يشوفها من خلال مونتاجك.
لهذا السبب، نريد بهذا الدور شخص:
- يتقن شغله ويهتم بالجودة
- عنده روح منافسة توصله دائماً لاحسن نتيجة
- يبحث ويجرب، ويطور نفسه باستمرار
مونتاجك هو اللي يقرر إذا الزبون يطلب… أو يكمل السكرول.
مونتاجك يتحول لاعلانات تجيب طلبات حقيقية
خطوات العمل
- تمنتج فيديوهات صناع المحتوى وتحولها لاعلانات ريلز
- تسوي عدة نسخ لكل فيديو ( تغيير نص الهوك والموسيقى واللقطة الأولى وتسلسل اللقطات ايضا )
- تضيف صوت متناسق وتكتب نصوص هوك توقف الناس عن السكرول
- تسوي نسخ جديدة من اعلاناتنا الناجحة وتعيد مونتاج ودمج لقطات متنوعة وقديمة
حجم الشغل
- تقريباً 30 فيديو خام ( غير معدل ) بالشهر، وكل فيديو يتحول لعدة نسخ
- معدل تسليم اسبوعي لعدد فيديوهات منجزة
شكل النجاح بهذا الدور
- فيديوهاتك تصير اعلانات ريلز ناجحة تجيب طلبات
- استمرار بعمل نسخ متعددة ومتنوعة للفيديوهات
- تسلم بوقتك يوميا، تحقق الهدف الاسبوعي
اوقات العمل
- دوام كامل من البيت، 6 ايام بالاسبوع، والجمعة عطلة
- تكون متواجد خلال ساعات عمل ثابتة نتفق عليها، والباقي حسب وقتك
- الشغل يقاس باهداف التسليم اليومية والاسبوعية، مو بعدد الساعات
المتطلبات
- خبرة سنة على الاقل بمونتاج فيديوهات ريلز لمنتج او براند او مشروع
- اعمال سابقة حقيقية تكدر تشاركها، ريلز وفيديوهات اعلانية
- اتقان برنامج مونتاج مثل كاب كت او بريمير او ما يشبههم
- معرفة جيدة باسباب ومقومات نجاح الريلز
- حس قوي بشنو يخلي الناس توقف السكرول باول 3 ثواني
- حاسبة خاصة مناسبة للمونتاج وانترنت مستقر
- تجيد وتفهم اللغة الانكليزية
- متفرغ بدوام كامل وتشتغل ويانا فقط، بدون دوام دراسي او عمل اخر
- سريع الرد وسهل التواصل خلال ساعات العمل
شنو نقدملك
- لقطات بجودة عالية جدا من صناع محتوى
- قاعدة معلومات ل هوكات مجربة واسس لانتاج فديو ناجح
- متابعة وملاحظات مباشرة من صاحب العمل
- راتب شهري ومكافآت
- دوام كامل من بيتك، وشغل مستمر
خطوات التقديم
- تجاوب الاسئلة الموجودة في هذه الفورم
- نراجع اعمالك واجوبتك
- مكالمة قصيرة ويا المرشحين المناسبين
- اختبار مدفوع لعمل مونتاج على لقطات حقيقية من شغلنا
- اختيار والقبول النهائي
