About the company
Accuracy Corner - ركن الدقة
HVAC and Refrigeration Equipment Manufacturing
نريد مصور يفكر داخل الصندوق
الكل يگلك فكر خارج الصندوق، بس إحنا نطلب العكس.
ادخل للصندوق، وبالتحديد لداخل الكومبريسر.
منو احنا
ركن الدقة، الوكيل المعتمد لدايكن اليابانية في العراق.
دايكن صارلها أكثر من 100 سنة بعالم التكييف. هي اللي اخترعت تقنية الـ VRV، والعالم بعدين يله طلع بالــ VRF. واليوم هي رقم 1 عالمياً بتكييف المشاريع التجارية.
شنو الي ملينا منه؟
نفس الموسيقى، ونفس النقلات، ونفس الأوركسترا والكمان مال المؤتمرات.
وإحنا ما نشبه إعلانات البلوكرية والممثلين. صورتنا گدام العالم تهمنا.
شنو الشغل؟
السكربت والرؤية الفنية جاهزة عدنا.
اللي نحتاجه عين تشوف، وإيد تنفذ.
راح تصور مشاريعنا ومحتوى داخلي، والوجوه اللي گدام الكاميرا مهندسينا الحقيقيين، مو ممثلين. فلازم تعرف شلون تخلي واحد مو متعود عالكاميرا يطلع طبيعي.
المن ندور؟
شلون تقدم؟
دزلنا البورتفوليو مالتك بالخاص، وبعدها ندزلك تفاصيل الأجور.
لا تدزلنا شي يشبه كلشي.
دزلنا شي يخلينا نصفن شوية.
ركن الدقة | الوكيل المعتمد لدايكن في العراق